အသုံးလိုနိန်ရေဆိုစွာ

Kyaw Win Khaing
    By Kyaw Win Khaing

    0/5 stars (0 votes)

    အသုံးလိုနိန်ရေဆိုစွာ

    ၁) ကိုယ်က လူတယောက်ပိုင် ဆက်ဆံနိန်စွာလား၊ ရုပ်ဝတ္ထုတခုပိုင် သဘောထားနိန်လားဆိုစွာ ဆန်းစစ်ပါ

    သူ့ကို အချိန်တိုင်းတော့ မလို၊ ယကေလည်း တခါတလီတော့ ကကောင်း လိုရေ။

    ထိုနား ဒေနားကို ကားနန့် လိုက်ပို့ဖို့ အချိန်၊ စားသောက်ဆိုင် ခခမ်းနနားမှာ စားချင်ရေ အချိန်၊ အဝတ်အစား ကောင်းကောင်း ဝယ်ချင်ရေ အချိန်၊ တိုက်ကြီးတာကြီးနန့် နိန်ချင်ရေ အချိန်၊ သူနိန်ရေ နိုင်ငံမှာ အနိန်ချချင်ရေ အချိန်၊ အိပ်ယာ ဝင်ရေ အချိန် ....

    အေပိုင်ဆိုကေတော့ခါ အေလူကို လူတယောက်ပိုင် လိုချင်စွာမျိုး မဟုတ်ပါ။

    ရုပ်ဝတ္ထုပစ္စည်းတခုပိုင် လိုချင်ရေ သဘောမျိုးပါရာ။ အေချင့်ကို အသုံးလိုနိန်လို့ ချစ်တေ အချစ်လို့ ခေါ်ပါရေ။

    ၂) လုံခြုံမှု ဘလောက် ခံစားရလေလို့ သုံးသပ်ကြည့်ပါ

    သူ့ဘားက တခု လုံခြုံမှုလည်း မလိုချင်။

    အတူတူ ရှိနိန်ရေ အချိန်မှာ သူ့ဘားက ဇာရအောင် ယူရဖို့လဲ ဆိုစွာလောက်ရာ စိတ်ဝင်စားရေ။

    ကိုယ် လိုချင်စွာ ရဗြီးကေ၊ သူ့စွာသူ ဇာသူနန့် နိန်နိန်၊ ဇာသူနန့် လားလား ဂရုမစိုက်။

    ၃) သူ့အတွက် ဇာပုံစံမျိုး စဉ်းစားတတ်လေဆိုစွာ သုံးသပ်ပါ

    အေသူ လာကေ ရီချိုးခန်းထဲက အဂုမှ ထွက်လာရေ ပုံစံမျိုးနန့် မျက်နှာသုတ် ပတ်ပနာ မပေါ်တပေါ် လုပ်နိန်ရဖို့လား။ Laughing

    ထုတ်ချင်းပေါက် မြင်ရရေ အပါးဆုံး ဇာအင်းကျီကိုများ ထုတ်ဝတ်ထားရဖို့လား။ Razz

    ခြီလှမ်းတိုင်းမှာ ဖြန်းခနဲ လန်းခနဲ ဖြစ်လားအောင် ပတ်ထဗိန်များ ဝတ်လိုက်ကေ ကောင်းဖို့လား။

    ဝိတ် ထမ်းထားလို့ တင်းနိန်ရေ လက်မောင်းသားတိကို မြင်သာအောင် ကင်ဆီဗရာနန့် လားတွိကေ ကောင်းဖို့လား။ Rolling Eyes

    ၄)ပြဿနာတိကို ဇာပိုင် ကိုယ်တွယ်ခလဲ ပြန်တွေးကြည့်ပါ

    အူး ယင်းသူနန့် အမြင်ချင်း မတူလို့ စကားများ ရန်ဖြစ်ကေက ဇာဖြစ်လားဖို့လို့လဲ။ Mad

    ရည်းစား ရှားစွာက မဟုတ်။ လိုချင်စွာ အားလုံး ပီးခကေလည်း အဂု အခြေအနေမှာ တခုပိုင်လည်း တောင်းပန်နိန်စရာ အကြောင်း မရှိ။ pale

    အဂု လက်ဖြောက် တီးလိုက်စွာနန့် အဂု နောက်တယောက် ရနိုင်ရေ၊ မယုံကေ စမ်းကြည့်။ Laughing

    အေပိုင်ဆိုကေတော့ခါ ..... ကျိန်းသေပါရေ၊ အေလူကို အသုံးလိုလို့ ချစ်နိန်စွာပါရာ။

    အေလောက် ဆိုကေတော့ခါ ... စစ်မှန်ရေ အချစ်၊ မွန်နိန်ရေ အချစ် နန့် အသုံးလိုရေ အချစ် ဆိုစွာရို့ကို ကွဲကွဲပြားပြား သဘောက်ပေါက်ကတ်ဗျာလ် ထင်ပါယင့်။

    တခြားလူကို မိန်းနိန်စရာ၊ ပြောနိန်စရာ မလိုပါ။ ကိုယ့်စွာကို အထက်က မေးခွန်းတိနန့် လေ့လာသုံးသပ်ကြည့်ပါ။

    ဘဝဆိုစွာ အတိုချေ ဖြစ်တေ အတွက်နန့် ကိုယ် လေးစားရေ လူတိအထဲမှာ ကိုယ် ပါနိုင်အောင် မပြတ် ကြိုးစားပါ။

    အားလုံး ... ချစ်တေ လူနန့် အိုအောင်မင်းအောင် ပပျော်ရရွင် ပေါင်းသင်းနိုင်ကတ်ပါဇီ။

     

    ကျော်ဝင်းခိုင်

    Kyaw Win Khaing

    Kyaw Win Khaing

    ရခိုင်ညီအကိုမောင်နှမရို့ အကူအညီလိုကေ အေနိန်ရာမှာ စာပို့ထားခပါ။
    About me

    ဘဝကို တိုးတက်ချင်လို့ အမျိုးမျိုး ရုန်းကန်ကြိုးစားယင်း နိုင်ငံရပ်ခြားမှာ အနိန်များလားရေ။ ယကေလည်း ကိုယ့် မွီးရပ်မြေကို တခါလည်း မမိ။ ကိုယ့် မွီးရပ်မြေက ညီအကို မောင်နှမတိကို တတ်နိုင်သလောက် ဇာပိုင်...

    © 2017 Arakan Online