A view of the Oriental Science Fiction Valley theme park at sunset, in Guiyang, Guizhou province, China © Joseph Campbell / Reuters

ကဗာ့ ဒုတိယအကြီးဆုံး စီးပွားရေးကို ပိုင်ဆိုင်ရေ တရုတ်နိုင်ငံစွာ ဆိုင်ဘာနည်းပညာမှာ ကိုယ်ပိုင် ထိုးထွင်း အောင်မြင်မှုတိ စဥ်ဆက်မပြတ် ရှိနိန်ရေအတွက် ကြီးထွားလာရေ ဒဲဂျစ်တဲလ် စီးပွားရေးမှာ ကဗာ့ ရှိဆုံးကို ရောက်လာဖို့ ကြိုးစားနိန်ရေလို့ တရုတ်နိုင်ငံ စက်မှုနန့် သတင်းနည်းပညာ ဝန်ကြီးဌာန(Ministry of Industry and Information Technology (MIIT))က ပြောပါရေ။

“၂၀၃၅ ခုနှစ်ရောက်ကေ ကဗာ့ထိပ်တန်း ဆိုင်ဘာနည်းပညာနိုင်ငံ ဖြစ်လာဖို့ တရုတ်နိုင်ငံက ကြိုးပမ်းနိန်ရေ။”လို့ ဝန်ကြီး မော်ဝေ(Miao Wei)က ပြောပါရေ။

ဘေဂျင်းစွာ သတင်းနည်းပညာနန့် အိန်တာနတ် အသုံးပြုစွာကို စဥ်ဆက်မပြတ် ချဲ့ထွင်လာနိန်ရေပိုင်၊ အိန်တာနတ် အမြန်နှုန်း မြှင့်တင်စွာကိုလည်း မဟာဗျူဟာတိ ချမှတ်ပနာ လုပ်ဆောင်နိန်ပါရေ။ ၂၀၁၇ ခုနှစ်ထဲမှာ အိန်တာနတ် 4G အမြန်နှုန်းကို ပျမ်းမျှ ၃၀ ရာခိုင်နှုန်းထိ ထပ်မြှင့်တင်နိုင်ခပါရေ။

အိန်တာနတ်၊ အချက်အလက်၊ မှတ်ဉာဏ်တုနန့် ထုတ်လုပ်မှုတိကို တစတစ မြှင့်တင်လားဖို့လို့ ဝန်ကြီးက ပြောပါရေ။ ပုဂ္ဂိုလ်ရေး သတင်းတိနန့် အွင်လိုင်း အချက်အလက်တိကိုလည်း ဥပဒေစည်းမျဥ်းတိ တတင်းကျကျပ် ချမှတ်ပနာ ထိန်းချုပ်ပီးလားဖို့လို့ အာမခံလားပါရေ။

သမားရိုးကျ စက်မှုလက်မှုကဏ္ဍတိမှာ အဆင့်မြင့် နည်းပညာ မှတ်ဉာဏ်တုတိနန့် အချက်အလက်တိကို ပံ့ပိုးပနာ မြှင့်တင်လားဖို့လို့ဆိုပါရေ။

ကဗာ့ အိန်တာနတ် ဖွံ့ဖြိုးရေး အစီရင်ခံစာ(World Internet Developing Report) အချက်အလက်တိ အရ ကဗာတဝှမ်းမှာ အိန်တာနတ် သုံးစွဲနိန်ရေ လူဦးရေ သန်း ၄ ထောင် ရှိနိန်ပနာ၊ တရုတ်နိုင်ငံမှာ သန်း ၇၅၀ ရှိနိန်ရေလို့ ဆိုပါရေ။

LEAVE A REPLY

Please enter your comment!
Please enter your name here